Die Transkription lautet:

Ensemble pouromes mes aler,
oisel et bestes, et jouer.»
«Dont vois ge la, fait li colons.
Mes ge voi la, lés ces buissons,
deus chevaliers mult tost aler.
Et si font .iiii. chiens mener.
Li gorpils dist: Sont auques pres?»
«il chevauchent, fait il, adés.»
–«Mielz est que a cele greve voise,
que par eus aie estrif ne noise.
Ne sai s'il ont le briés oï,
qui vint dou roi, gel vos afi.
Ne m'esteust pas remuer,
s'il l'eussent oï conter.»
Si vait des felons vesiez,
qui plusors ont mult engingniez
par parole de faus sermon,
con cist volt fere le coulon.