Die Transkription lautet:

D'un coulon conte qui jadis
se fu sor une crois asis.
Uns gorpils vint desouz, sil vit.
En haut parla si li a dit
«Por coi, fait il, siet tu lasus
en cest grant vent, car descent jus,
si siez lés moi en cest abri!»
«Ge non, par foi!», cil respondi
«Por noient as peour de moi,
si te dirai bien le por coi
Ge fui orains en un conté,
ou il ot grant pueple assemblé.
Uns briés i vint de part le roi
qui quemanda en droite foi
que mal beste à autre ne face
n'à nul oisel, ja Dex ne place
que il jamés entr'elz ait guerre.
Pes a mise en toute sa terre.