The transcription reads:

"Monosceros"
griu est, en franceis "un corn" est.
Beste de tel baillie, Jesu Crist signefie.
Un Deu est e serat, e fud e permaindrat.
En la virgine se mist, e pur hom charn i prist.
E pur virginited pur mustrer casteed.
À virgine se parut, e virgine le cunceut.
Virgine est e serat, e tuz jurz permaindrat.
Or oez brefment le signefiement.
Ceste beste en verté nus signefie Dé.
La virgine signefie, sacez sainte Marie,
Par sa mamele entent sainte Eglise ensement
E puis par le baiser, ceo deit signefier.
E hom quant il se dort, en semblance est de mort.