The transcription reads:

Monosceros est beste, un corn ad en la teste,
Pur ceo ad si a nun; de buc ad façun.
Par pucele est prise, or oez en quel guise:
Quant hom le volt cacer e prendre et enginner,
Si vent hom al forest u sis repairs est.
La met une pucele, hors de sein sa mamele,
E par odurement, monosceros la sent.
Dunc vent à la pucele e si baiset sa mamele,
En sun devant se dort, issi vent à sa mort.
Li hom survent atant ki l'ocit en dormant
U trestut vif le prent, si fait puis sun talent.
Grant chose signefie, ne larei nel vus die.