The transcription reads:

D'un vilain dist qui norrissoit
une choue que il avoit.
Tant l'a norri qu'ele parla
et uns suens voisins la tua.
Cil s'en clama à la justice
et conta mult bien en quel guise
icil oisiax souloit parler
et les matinees chanter.
Li juges dist qu'il a mefet.
Celui a fet semondre a plet.
Au jor celui qui fu semons
et il dut faire son respons,
de cordouen prist une pel,
si la mist desouz son mantel.
Uns des chiés laisse dehors pendre,
que li juges deust entendre
qui li aportoit por loier
que de som plet li doie aidier.